طريقته سهله وبسيطه وسريعه
المقادير
15 حبه بسكوت دايجستف
علبه صغيره حليب
6 حبات جبن بوك
كيس دريم ويب
كيس بودره الكريم كرمل
علبه قيمر كي دي دي
ملعقه جلاتين
علبه صلصه الفراوله وهذي صورتها
الطريقه
تاخذين البسكوت بس غمسيه واهو عدل بنص كوب حليب وصفيه بصينيه بايركس وسكري الفراغات بالبسكوت عشان لايكون فيه فراغات بينهم
اللحين نسوي خلطه التشيز كيك
بالخلاطه نحط نص كوب حليب مع ملعقه الجلاتين ونخلطه زين عشان يذوب الجلاتين بعدها حطي فوقهم 6 حبات الجبن والكريم كرمل والدريم ويب وخلطيهم بعد عدل واخر شي حطي القيمر العلبه(قشطه) وشغلي الخلاط وخليهم ينخلطون زين لما يتجانسون صبيهم فوق البسكوت وخليهم بالفريزر نص ساعه عشان تصك الكيكه زين تكون جامده شوي
وبالاخر نصب عليها الصلصه الجاهزه واذا عندج فراوله طازجه قصصيها وزينيها
بالسكين نسوي حركات بالصلصله عشان تعطي شكل حلو
ونقدمها بالعافيه واهي بارده
يسلم دياتك يا عثل والله يعطيك الف عافية يارب
تحيتي
يسلموووووووووووووو الايااادي ياقمرررررررررررر
ماننحرم جهدك
يسلمووووو يا عسل
شكلها يشهي بس لو ما فيها حليب
تحياااااتي
تسلم هالايادي
وصفه رووووعه
يعطيك الف عافيه
تحيتي وتقديري
دمتي بخير
