القصة تطول وتطول احاول ان اختصرها لكم
بدأت بموقف غريب في احد احياء الرياض باكتشافها لرقمي على البلوتوث سرعان ماتحولت الى اتصال في نفس اليوم
الطريف في الامر اننا كلنا مو من الرياض لا انا ولاهي
وبدأت القصة مثل الكثير من القصص واتفقنا على ان نكون اصدقاء بدون اي ارتباطات حب او غراميات ( نشوف اخر المطاف معها ونعرف من اي نوع راح تكون ….الخ )
بدت العلاقة بضائقة مالية لها ( هب راع الفزعات ابشري ) هههههههههه كالعادة شباب فزيع تقابلنا مقابلة سريعة واستمرت الاتصالات وبعض المواقف زعل مرة ورضى مرة .
المشكلة فيني اني صريح الى حد الغباء ومع الكلام اروي لها بعض المواقف اللي تحصل معي ومن ضمنها قصة وحدة من القصيم تقابلنا في المجمعه في موقف طريف .
الى الان لم اكتشف انها عشقتني وصارت تغير علي .
المهم صرت اوله عليها لكن لم تصل الى الحب اشتاق لسوالفها وطيبتها لكن ماكنت اغير عليها .
تواصلنا بجميع الطرق مكالمات مسنجر رسايل ……. الخ
صارت تلمح لي ( هذي البنت لاتكلمها والثانية لاترد عليها واترك السهرات واترك السفرات …. الخ ).
كانت صريحة الى ابعد درجة في جميع كلامها وصادقة في كل رواياتها لاني اعرف عنها كل شيء طبعا بعد التحري والتدقيق .
وفجأة ارسلت لي هالرسالة ( صباح الخير أن شاءالله أنك وصلت بالسلامه ومرتاح أنا بعد رسايلك البارح قررت انا اللي أصارحك وأدري صراحتي بتزعلك بس أنت تعرف …………. لازم تقول اللي بخاطرها أنت ماتحبني وتبيني أحبك وأنا عارفه موبس أنا بقلبك كثير بقلبك غيري وأنصدمت من رسالتك البارح أن لك حبيبه بالقصيم وأن مستواك عالي صدق أنا مومن مستواك أنت وين وأنا وين فرق شاسع ماشاء الله مثقف ورجل مكافح وطموح وأنا وش أنا مجرد ……………… صح وغير كذا تفكر دايما بالمصالح أنا عمري ماحبيتك مصلحه وماأعرفك من أنت ومن تكون من أول رساله بيننا وأنا مو صيادة فرص زي ماتفكر وأنت وعدتني جلسات الشباب تتركها وماتركتها ووعدتني تترك مكالمه هالبنت اللي عرفتها وماتركتها ومسأله أني مثل أصحابك وأستغلك وأني لعوب هذا شي حطمني وقهرني كلمتك هذي بالماسن ماأنساها اللين أموووت أنا أذكر أنك أنت كنت مصمم أنت اللي تحول لي فلوس ورصيد ماجبرتك وبأمكانك تعتذر لو أنا طلبتك من فتره عايرتني أنك تعطيني وسكت مازعلت منك وأكلتها لكن انك توصفني بشي يعور القلب تحملته عشانك يا ……….. أناماأبي منك شي وربي أنت تجرحني وأناساكته ولاتنسى شي أنا مومن
مستواك ولا أستاهل هذا كله أناعارفه نفسي ولوتبي أرجع لك كل شي عطيتني أياه أبشر ومن عيوني لكن لاتوصفني أني مصلحجيه لاترد على رسالتي أنبسط وأرتاح عند أهلك وأذارجعت يصير خير أنتبه لنفسك )
بصراحة كانت اخر رسالة واخر تواصل المسنجر دايما مغلق اكيد عاملة حظر والجوال انفصل ونقلت من منزلها .
باختصار اختفت وكأنها كانت حلم وصحيت منه مابقي لي الا الذكرى فقط .
كل هالكلام مو مهم المصيبة اني اكتشفت اني بعدها تايه واكتشفت اني ( على قولت المثل ) اعشقها حتى النخاع
تركت السهر تغيرت حياتي وتركت البنت اللي من القصيم وغيرها وحتى الجوال طلعت واحد غيره ورميته بالمكتب
كملت الماجستير اتزنت حياتي كثرت نجاحاتي ولله الحمد
ولكن تبقى في القلب حسرة والغريب اني تعودت اول ماادخل المكتب افتح الجوال ادور اتصال او رسالة لها ( غبي متعلق بالامل )
( مايغلى الشيء في العين الا عند فقده )
( مايغلى الشيء في العين الا عند فقده )
صح
اعان الله من كانت هذه حياته
يسلموا اخوي
تحيتي
شاكر مرورك الثريا
وانتي الصادقة كان الله في عون حياه هذه معاناتها
يسسسَلموووَ هآلأيآآدي
يَعطيك العآفية
تحيآتي
قصه رائعه وجميله
يعطيك العافيه على الطرح والسرد الجميل
دمت بود
تسسسسسسسآـم الايآ’دى لـ طرح القصـه .
آرِق تحيآ’تى | : 
تحب الخيال بس سردك حلو
تسلم يديك على السرد الحلو
يسسسسسسسسسسسلمو ع الطرح
تسلم الايادى
تقبل مرورى