ابتدى لى في الشعر خمس كلمات
في النصيحه عن دروب الفاجرات
هي ذا واسمع كلام من فطين
شيبت راسه سنين لايعات
خذ له اسنين تمنعنى بالهوى
مالقا من طردهن كود العناة
ساكر بالغي كالشارب ِمدام
تارك بالجود صومه والصلاة
مع خبيثات العمل نسل اللعين
ماخذات العقل ثم له سالبات
باشرني يوم غياث الشباب
ِ
من قبلنا في العصور الماضيات
ان عطوك اقبال لا تعبالهن
وان بغوا الانكار ثرهن منكرات
كم غريم تاه في وديانهن
راح هايم لين عق الامهات
صار هايم في هواهن غاوي
ما يعرف الرشد من طرق الغواة
عاش في دنياه في ذل وعار
ثم في الأخرى يعد من العصاة
عقب هذا ياخواني اسمعوا
قول منهو ناصح ما به خفاة
صابته كل الحوادث والأمور
والحذر عن خدع هذا الخاينات
دام تلهيهن يدك أنت الحبيب
وان قصر من العطاء راحن شمات
لا تقول أني جميل ثم شجاع
ثم أنا ي ما مضى ذباح شاة
ثم بعيضك عندهم خطوا هبيل
دب دهره والشياب مشرحات
إن عطيت اليوم الف هن نسوه
في رجا باكريا مهبول هات
هاتها عجل علينا في سريع
للحوايج نقتضيها حن عراة
ان بديت العذر عين يقبلون
قالوا المقسوم هاته بعجلات
لا تخلي باكر مالك عذر
وان سفهت الشيء درنابك كفات
نربطك بالهجر ليما ان تموت
أو تهيم من الهجر وسط الفلات
ارجموهن وافزعوا لي ياعيال
لين نحرق شيبهن هالشالحات
هاضني يا ناس في وقت الضحى
طفلة خلت بقلبي موقدات
باديه لي بالتعدي والصدود
ما ترد القيل حتى بالسكات
لا جواب ولا سلام ولا كلام
ضيّعت ذهني وضاع الاهقوات
ضاع عقلي والتهب قلبي جواه
ليس تطفيه البحور الزاخرات
كن ما صارت موده بيننا
لا ولا بتنا ليالي بخلوات
قمت انا ناديت من قلب حزين
ليش يا خلّي هجرتوني بتات
قال حاشا ما نعرفك يا فتى
لا تحاكينا وحنا الصايبات
قلت له عندي شهود حاضرين
قال منهو قلت جعدك والصفات
قال لي أنت المولع من قديم
حن نسينا ذاك عديناه مات
ما علينا لو تقدم فعلكم
ثم نعد اللي مضى كله فوات
خوز عن دربي قبل أحد يجي
انك المشهور راعي المفضحات
قبلها لو مر سلطان العرب
والعجم معهم خيول مسرجات
ما تطالع كود انا من بدهم
ما تخاشي في الهوى تمشي ثبات
اقطعتني وابعدت من وصلها
اقطعت حبل الوصل بالمرهفات
سايرين بالهوى ثرني نصوح
اعتبربي لا تضيّع بالوصاة
ناصبات اشراكهن لأهل الهوى
بالخدع والجور هن البايرات
ما تجي منهن نجيبه صادقه
كود خطوا واحده في الطاهرات
لو تعاهد ربها خمسين عام
ما تجوز من الأمور الباهرات
دايمٍ إبليس يرقص حولها
ما يطهرها ولو شط الفرات
لو تجيك تنوح من قلب كسيب
ثم تبكي بالدموع الذارفات
لا تحنهن ثرابكاهن حد حين
لين يقضن شفّهن هالكلبات
باخلات باللمحاسن والجميل
بالمساوي والمكايد ميسرات
أيها المغرور بادر بالمتاب
قبل تأتيك المنايا بغفلات
أين كسرى ثم عاد وين هود
وين من شادوا اقصورٍ عاليات
أين شبّان نشوا في عصرنا
وين محسن ذاك شوق الغاويات
اعتبر ياصاح واسمع ما أقول
وين بن لعبون راعي المطربات
فرّقت سلمى ألوف قبلهم
شف منازلهم اقفار خِاويات
صح السانك وعلا شانك
كلمات جميله
الله يبعد الشر عن المسلمين
تحياتي لك
دمعة نهر
هلا
بحر الحب
تسلم على عذب المشاركه
مشكووووررر ساااحر القلوب مرووورك