::" أصدق هواوي "::

.. أصدق هواوي ..

تركتـك والهـوى .. لاني أخــافه
أخاف انّي أكون اصدق هـواوي
أنا لا من عشقت اعشق كــلافه
أسوق الرجل واتعب هالخطاوي
صغير السّنّ .. تتْـعبـك المســافه
وانا دربي .. طـويل ومانْت قاوي
انا بالعـمْـر .. عــدّيت انتـصــافه
وغصن العمْـر .. بالخبرات راوي
يحبك قلبي والنبـض اعــترافه
ولا يخفى عليــك .. الحــال ذاوي
ظهـر حبّـك عليْ .. والكلّ شــافه
ولا ودّي أجـرجـر لك .. بلاوي
عليــك آخـاف من هـرج اللقــافه
وانا ادْري تزْعجـك ذيك الحكاوي
رقيـق احساس .. مفعم باللطافه
يذوّبك الحكي .. طبـعـك حيـاوي
وانا .. عقلي مَعَ قلبي .. خــلافه
أحد خايف عليك .. الثـاني غاوي
بياض الصدق .. معْ زُرْقة خرافه
وانا احْساسي مَعَك لونه سماوي
وانا مليت .. من جمْع الثـقـافه
وتوزيع المشاعـر .. في الغناوي
بسافر .. واتركـك .. واللي أخـافه
أخاف اني اكون .. أكذب هواوي
كتــابي .. ما قـريت الاّ غـــلافـه
وشعري .. ما وصل حـدّ الهقـاوي

تحيااااتي لكم …(uu9

ودمتم بخير ؟؟؟(uu6(uu8