اااااااه من جور اليالي ؟؟؟؟

اتمنى تعجب الجميع (uu11 (uu11

آهـ من جور الليالي وجرحٍ ما يطيب /// الزمن من نهر غدره غرف واسقانيَه .

ايش ذنبي يازماني تلقيني الصعيب /// اشرب امرار الليالي وهم احزانيَه .

كن مالي في السعادة أمل وإلا نصيب /// كل ما انهي مشكله تبتدي لي ثانية .

اسمع الموضوع وافهم وترجم يالبيب /// يمكن الفرقا تزورك ويمكن دانية .

اعمل حسابك بوقتٍ به الغدر الرهيب /// الليالي يوم تربح وعشرة فانيه .

الرجل لامن بغى البنت قالوا له مصيب /// مادروا عنها تبي القرب والا شانية .

والبنية لو تقل في فلان ابغى النصيب/// او تقول قصور حبه بقلبي بانيه .

طاحت الالسن عليها على شرهة وعيب /// وكل نفس مقبلة بالعتب متفانيه .

اسئلة تحتار فيني ولاتلقى مجيب /// مالقيت الا ضلوعي تجيب السانيه .

قصتي ماهي جديدة ولا الحادث غريب /// ياكثر من يجرع الحزن كاس وآنيه .

ليلة جتني وشفت الدمع يهمل صبيب /// قلت وش ذا الدمع واخبر حياتك هانية .

تمرحي بالقلب وحدك ولاعندك رقيب /// وانتي مالك في خفوقي رفيقه ثانيه .

وكل ما اسرد كلامي تزود في النحيب/// لين سند راسها للضلوع الحانية .

قلت هات العلم وانسي صياح وشق جيب/// وانا من حزني عليها تسيل اعيانيه .

قلت هي فرقا عسى ظن محبوبك يخيب /// ياعساه عتاب والا دلع رويانيه .

قالت اذبحني بكفك عسى قلبك يطيب /// واكتب بدمي انا المخطية والجانية .

ويشهد الله ماخدعتك ولاغيرك حبيب /// وان حبك في ضميري قطوفه دانيه .

انا مغصوبة وربي على قولي حسيب /// قرب المصحف وبحلف على قرآنيه .

ماعطيت الرأي لأهلي ولا حتى قريب /// وافقوا للي لفاني جهر وعلانيه .

والله انك بعد ربي علاجي والطبيب /// وانك انت اللي تجيه المشاعر عانيه .

كن محكاها طعون على العظم الصليب/// كنه اقوى رمح يغرس وسط ضلعانيه .

قمت وانا من طعوني ومن نزفي صويب /// واتمنى في مكاني تلف اكفانيه .

ياعسى ياهنا بها اللي ترك قلبي لهيب /// وانا لي رب بفضله تزول احزانيه .

ودعتني دمعها كنه المزن السكيب /// يحرق خدود فداها العيون الفانيه .

تحياتي للجميع بقلمي انا ابو رشااااااااااااااااااااااااااااش (uu14