كيفية رسم الازياء,طريقة رسم الازياء

موضوع تعليمي سواء كنتي مصممة ازياء او عندك موديل براسك تبغي احد ينفذه لك الموضوع هذا راح يفيدكم كثير

الادوات اللي راح نحتاجها ( موجوده كلها في المكتبات )

الادوات المستخدمه من شركة Faber castell

اقلام رصاص

الوان مائيه ورصاص في نفس الوقت

وطريقة استخدامها هو التلوين بالقلم وبعده تجيبي ريشه تبليها بشوية مويه انتبهوا مو كثير يعني خلي في يدك منديل تمسحي الزوايد وتلوني فوق اللون راح تلاقي اللون شكله كانك لونتيه بالوان مائيه مو رصاص ولما تلونوا الرسم امسكي القلم بالمايل وخلي ضغطتك خفيفه لا تلوني كثير عشان ما يطلع اللون مره ثقيل وغامق لما تحطي الالوان

رسم اسكيتشات الفاشن له ستايلين الاول اسمه

Fashion sketches
والثاني
technical sketches

Fashion sketches
وهو انك تعملي تصور شامل للتصميم مرسوم بالالوان وتوضيح نوعية الاقمشه المستخدمه عن طريق
الرسم

هو الرسم التكنيكي الخاص بالتصميمات اللي راح ترسل للمصانع او التوضيحيه للخياطين
يكون الرسم فيها flat يعني مو على الموديل ويتم توضيح اماكن الخياط والقصه

عند رسم التصميم على الموديل لازم تاخذي بالاعتبار تقسيم الجسم يعني ترسمي الموديل بالرصاص
بدون ملابس وبعدين ترسمي عليها التصميم
صوره توضح رسم الجسم

عادة المصممين قبل ما يعملو التصميم يختاروا الأقمشه بعد ما تعملي التصميم وانتي مختاره القماش
يفضل انك تحطي جزء منه على الورقه جمب التصميم عشان الصوره تكون كامله