وش له نلوم الزمن ؟ دآم آلسبب حِنّا (●)

اضحك . لامني ذكرت ؟ ايامنا الحلوه

وليا ذكرت انها راااحت ! .. جلست ابكي

كن الشقا ( بير ) واحلام الصبا ( دلوه )
وكن الحزن ؟ .. في صميم القلب ,, متركي
الشك !! (( قطٌع نفوس ٍ )) .. كانت بسلوه
وانا عقب حسن ظني .. هزني شكي ؟؟مرات ؟ مرتاح ,, والقى البال في علوه

ومرات ! محتار ! .. واعجز لابغيت احكي

نكتم ونشكي من الاحزان في خلوه
واليوم ؟ في صمت … لا نكتم ولا نشكي
لو ان ؟ دنيا الشقا ياصاحبي حلوه
ماكان ؟ شفت الطفل يولد وهو يبكي !!!

/

كفايه .. وماحصل بالأمس يكفينا

لاتحنّي ايديك ,, خل دموعك الحنّا

الى متى ؟ نكذب ! .. ونوهم امانينا

مليت اجامل .. واقول آنّا واقول آنّا

تعال عند المكان .. اللي ضوى فينا
عشان أورّيك وش صرنا ؟ ووش كنّا ؟

خلنا نتوادع ( هنا ) .. ( هنا ) تلاقينا
( منّا ) بدى الحب .. لازم ينتهي ( منّا )

ماللزمان أي سبّه .. في تجافينا
وش له نلوم الزمن ؟ دام السبب حِنّا !

صارت صباحاتنا ,, تشبه أماسينا !
لابانت الشمس ! ,, والعصفور ماغنّا

لو ندري بنفترق ؟ ماكان حبّينا
ولا تركنا ( قلوب الحب ) تتمنّا

وش هو نسوي بعد ! .. وش هو ماسوينا
مقسوم .. والله كتب ( حكم القدر ) عنّا

في الحب ( أحاسيس ) ..ماتوصف بأغانينا
أسمى من الوصف ,,, وأرقى من تخيلنّا
(( موضوعنا منتهي )) .. ماعاد يمدينا

عمر ٍ خسرناه ! ,, لايمكن يرد إلنا

واذا رجعنا لبعض ولاً تراضينا !لاتحسب آنّا ,, برنجع مثل ماكنا

،
،

[ .. مخـرج ..]

الله معـك مـانـي بمـيـت لاهجرتيـنـي
وحقك علي ان كنت أحن لدمعتك .. واقسى ؟
انا البحـر ياللـي علـى جالـي عبرتيـني
وانتي .( رياح لغربتي ). واهدابـي المرسـى

لاجيت برقد يالعيـون اللـي .. سهرتينـي
يطري .. لعيني وقتها .. ان السهر ممسـى

تصدقين ؟ انـي نسيـت .. انـك نسيتينـي
وتصدقين ؟ اني ذكرت .. اني نسيت انسى

كنت احسب ان الصـد قاسـي ؟ لا جفيتينـي
حتى .. تفارقنا وعرفت .. ان الفراق اقسى ..!!