لاغاب صوتك طاري الشوق ماغاب

:::::::::

لاغاب صوتك طاري الشوق ماغاب
واشفق على همسك ولذّة طواريك

وحكي الغرام ومسمعي منك لاذاب
واحلامك الورديه وصدق امانيك

وحضن الندى للزهر باسباب العتاب
ومجادلك ومعاندك أو تحدّيك

إني حياتك .. والرجا بي ماخاب
وإني أحبك موت .. واتبع خطاويك

واقول : أنا بتعبك في درب الاحباب
دامك ضياء الدرب والحب يضويك

لانك حياتي ياغناتي وانا كتاب
وحروف اسمك تسكن اوراق مغليك

أحيان .. يعزف بك غلا .. يقفل ابواب
وأحيان .. يعزف بك إذا مر طاريك

من الوله مايسكب اكواب واكواب
حلو المعاني مع صدى عزف هاويك

واسقيك عذب الشعر واسقيك ماطاب
من الكلام اللي تحبه ويرضيك

ونسهر على بيض النوايا والإعجاب
والشوق والحب الحقيقي واغانيك

لكن متى ترجع .. متى الدمع ينساب
وينك ترى طول مفارقك .. وش فيك

تعال .. أبحكيلك .. معاناة الغيآب
تعال .. أبشكيلك .. عنى .. شي يعنيك

قلب عطى كل البشر كلمة .. اغراب
وسمّاك بس انت القريب .. وحواليك

طارت من اعماقه .. أحاسيسه .. اسراب
وصرت السما .. لاصدق أحاسيس .. تغنيك !

تحيااااااتي لكـم

شيهـ الفهد ــاااانة

انرتـم متصفحي بمروركـم العطر والرااااقي هنااا

لا عدمت طلتكم الممــيزة

دمتم بحفظ الرحمن

شيهـ الفهد ـاااانة