قصه الاصراح والفخر المجيد؟؟؟

قصيدة وطنية متواضعة اتمنى ان تصل لذائقتكم .

ازرع الفكرة براسي وارددها واعيد /// ثم تثمر من خيالي واشوف اغصانها .

روضها جزل المعاني ومسقاها الوريد /// قافها بالعذق والوزن هو سيقانها .

بعدها اجني قصيدة ولا كل القصيد /// تطرب اللي يسمع القافية والحانها .

ياقصيدي فز لاهنت بابدع بالنشيد/// فز غصب عنك قلي على بيبانها .

ودي بيوت الجزالة مثل جيشٍ حشيد /// لانها عن قصة مامحتها ازمانها .

قصة الاصرار والفخر والمجد التليد /// عن ديارٍ سطر امجادها فرسانها .

ديرة آل سعود قوة تحطم كل كيد /// ديرة ربي حماها وعلا شانها .

مهبط الايمان والوحي والدين المجيد/// ارض مكة والمدينة وخير اديانها .

جالها صقر الجزيرة وبالعلم الوكيد/// انها بيده تودع الالم واحزانها .

جاها في ستين فارس فعايلهم تزيد /// عن فعايل قوة الفين مع ترسانها .

قادهم بو تركي الفارس الشهم العنيد /// ودع ديار الكويتي ذخر جيرانها .

ماحسب طول المسافة ولا الدرب البعيد /// يدفعه حب الرياض وطلب ريضانها .

واستحل العاصمة بعد تحطيم الحديد /// ماثناه عن المهمة متن جدرانها .

وردد الصايح ترى الملك بعد الله أكيد /// للكفوف اللي تدواي بضرب ايمانها .

للملك عبدالعزيز الشديد ابن الشديد/// فارسٍ شال المهمة وعقله زانها .

وحد ربوع الجزيرة على قولٍ وحيد /// سنة الاسلام والحكم من قرآنها .

يالله انك تنزله منزل الرجل الشهيد /// وارزقه يوم القيامة عظيم جنانها .

العظيم اللي محى الكفر والغى المستبيد///و الأمن عم الجزيرة وساد احضانها.

مات لكن جو عياله هل الرأي السديد /// كلمة الرجال منهم لها ميزانها .

وكل حاكم في زمانه يلبسها المفيد /// لين صارت قوة هابها عدوانها .

واكتمل في عهد ابو متعب العقد الفريد /// كنها اجمل عروس وجلب فستانها .

كلمته ماتنقض لاتحكى مايعيد /// كن جزل القول دوله وهو سلطانها .

والله انا درع صقر العروبة من حديد/// نرخص الارواح مانرتجي لاثمانها .

مانهاب من المنايا ولافينا بليد /// وساعة الفزعة ترانا قبس نيرانها .

يابلادي دون أرضك ترينا مانحيد /// في دروب الموت نعشق بياض اكفانها .

يالله انك تجعل ايامها فرحة وعيد /// وابعد اهل الشر عن ربعها واوطانها .

وهب لحاكمها من الخير والعمر والمديد /// وسدده للقول واحفظ لنا سلطانها .

(uu14
وسلامتكم

// بقلم رمــــــــــــــــــــــــــ الرجوله ـــــــــــــــــز //