وفي الرابع من نوفمبر كانت الفاجعه برحيل ذلك الاب الطيب
رحل ورحلت برحيله اصدق الدعوات الصبآحيه
رحل ورحل برفقته ذلك الصوت الحنون
رحل وترك مأذنته , بيته , ابنآئه , احفآده , وانا
رحل بسلآم وبقي ذكره العآطر وحيا ً يداعب ارواحنا
رحم الله جدي واسكنه الفردوس الاعلى
اكره الخرج عقبك لو ثرآهآ ذهب
واكره البيت بعدك كره ذاك العتيم
لاسألوني / سألتك ليه صوتك ذهب
؟! ليه ذيك المدينه صآر فيها يتيم
يابعد حي صوت ٍ بالصيآح التهب
يبكي اللي وجوده بالحنايا مقيم
كل ذكرى تجيبك يعتريها لهب
وكل ماقيل صلّوا قلت وين النديم ؟
وين جد ٍ وهبني خير ماهو وهب
بالدلع والدعاوي وين ذاك الكريم
مابقى غير ذكره بالمزايا سهب
كل منهو مشى له والتعازي تديم
شوف حايل حزينه والرياض ارتهب
شوف خرجك فرحها بعد موتك عقيم
ليه ياموت اخذته وانتهبته نهب
من يدينا خذيته جعل قبره سديم
وش حال عيد ٍ عايدينه بلآ سآس
ماهو ب عيد اللي خلآ من عيوني
ماهو ب عيد اللي خلا حبة الرآس
مااعتدت عيدي بالمقابر يكوني
وين انت ياللي بعدك العيد محتآس
وينك تشوف العيد ؟! ليته بدوني
كبّل عذآب الموت ترفين الالبآس
واصبح سوآد الليل ياشيخ لوني
مآني لحآلي صحت في زحمة الناس
من كل صوب الناس بالعيد جوني
عزّوا وفاتك يابعد كل قرنآس
كل من بكآك بموجعات اللحوني
حتى الهبيل اللي بالاسيآح دوّاس
صوته صبآح العيد زلزل سكوني
صآبه مرار الفقد واجتاحه اليآس
عذره معآه ان كان صآبه جنوني
شيخي رحل واستعمر القلب هوجآس
والموت حق وحكمة الله دوني
فقد التميمي للنواميس افلاس
ماهي بسيطه موتته ماتهوني
مامات جدي دآم بالذكر نومآس
مامات واللي خالفيه حدوني