جواهرهم ثامر شبيب + متعب التركي

" أذا أفترقنا بطلبك مطلب صغير ..لاتزورني بين النعاس ومباتي "

..!!! .. يعني أذا بتغيب .. من غير تفكير ..
ترجع قبل لاينكسر لك ثباتـــــــي ..
ولا خذني معك من وين ماتسير ..
مدامك الدرب الطويل بجهاتي ..

…..
( لونفترض أني وصلت السما طير .. أحوم حومه حر والريح عاتي)
(المشكله أني بلياك ما أطير … لأنك جناحي للمطير ونجاتي )
: الطيحه منك تترك سنين تأثير
من قال لك ماراح تشمت أعدائي !

…..
أمانتك .. في داخلك شوفني غير ..
وص ٍ ..أنتي قلبك يذكر الحب بالخير ..
.. ولا أنا والله لقضب وصاتي ..
من كثر ماخانت غلاك التعابير ..
معاك أحس أصدق كلامي سكاتي ..
.. لكن تعال وخل عنك المعاذير ..

" شفني شسوي وسو عقبي سواتي
أرفع يديك لمن يرد المقادير ..
وردد ورايه ماتقوله شفاتي ,,
كل عام وأنت بخير وأيامك بخير ..
كل عام وأنت بخير وأيامك بخير
.. وأني معاك أعيش باقي حياتي .."

( ثامر شبيب)

لعازف المشاعر .. متعب التركي .. :

( هذاك لامنه زعل قمت أهديه ..
حتى وهو مخطي تعذرت دونه )
يمكن لو أنه يلمس الجرح بيديه ..
يستغرب أن اللي لمسها طعونه ..
هو مادرى أني .. في غيابه محاتيه
ليته نشد عن حالي اللي يجونه ..
( عجزت أرده كن ماني براعيه)
يبسن عروق القلب اللي تعزيه
يوم أنتثر شوقه وهاضت شجونه
خافو من الله لاتجيبون طاري ..
لاصرت انا موجود .. لاتذكرونه ..

لو كل غالي جابه الله لغاليه ..
ماشفت لك مخلوقن تبكي عيونه ..
……

حسي بلوعت الليالي والأحزان بعدين حسي بالهوى لا بغيتي
وش به يهمك لو يقولون زعلان لو فيك ذره من الغلا ماجفيتي

ياللي تقولين الخطى زلت لسان .. في زحمة الأيام ليه أختفيتي
خطاي وأن جاء مدري الذنب وش كان .. ليه أنتهى ذاك الغرام وانتهيتي
…..
وقفت في وجه الزمان قدر الأمكان .. وأنتي جنح فيك الخيال وغفيتي
غلطان أنا في كل الأحوال غلطان .. أسرجتلك خيل القصيد وسريتي
جيتي ماقلت الجرح يوم أقبلت هان .. وأنتي على الجرح القديم أرتكيتي
قلتي لي أن الحب لابد ينصان .. واليوم ماكنك دقايق هويتي ..
مابان شي ولا بقى شي مابان .. بس أنتي غافـــــــله مادريتي..
……
العام لك طاري بقلبي ولك شان .. واليوم أحس بغلطتي لاطريتي
وإن قدر المولى وعشتي بحرمان
ومن حر لوعات التجافي بكيتي ..
تذكري قلب له سنين شفقان ..
شوفي بحقه ياكثر ماخطيتي ..
كل القصيد اللي أقوله .. على شان
.. تهزك الذكرى عقب مانسيتي ..

أتمنى أن ترتقي الى ذائقتكم ..

حــــــــــبــــي وأحـــــــــترامـــــي ..