دخيـل الله ياقلبـي أنـا طالـبـك تعفيـنـــــي
أنـا طالبـك تنسااااانـي ولـو مـره تخلينـي
أعيش بدنيتي وأهنا مثل باقـي البشـر سالـي
بدون الحب ياقلبـي وبـدون همـوم تكوينـي
أنا ماعـاد فينـي روح تبيهـا تتبعـك ثانـي
انا فيني جسد باقـي بـدون شعـور يحوينـي
على كثر القلوب اللي هوينـا ماصـدق واحـد
ياقلبي ابتعد عنهم تـرى اللـي فينـي كافينـي
زرعْت الحب فأعماقي وحصدْت جروح تاليهـا
وردى هالحظ خاواني ولقى كل مايبـي فينـي
كثير أحباب حبينا وعطيناهـم بـدون حسـاب
ولاخذنا سوى غدر ٍ مـلا راحـات كفينـي؟؟
وكثير أسباب تجبرنـا بـلا حسوفـه نخليهـم
لأن والله مافيهـم ولا واحـد مــلا عيـنـي
ولكن أكبر الصدمات جتني مـن يديـن اللـي
حسبته غيـر كـل النـاس ومايعنيـه يعنينـي
هذاك اللي تصورتـه طمـوح العمـر ياقلبـي
هذاك اللي تخيلتـه هنـاي وضحكـة سنينـي
عطيته من دفا روحـي قصايـد أشعلـت ليلـه
وأنا ما كتبت لغيـره ولا أي شخـص يغرينـي
كتبت أحلى كلام الحب فـي عينـه ولافكـرت
يجي اليوم اللي أستخسر قصيدي فـي محبينـي
على مبدا (الخصوصيه) يحاول يبعـد شكوكـي
وعلى مبدا (الصراحه) كنت وكانت لعبته فينـي
خذلني للأسف والله وهدم كـل مابنيناه بلحظـه
وطلع هالحب مايسوى مواطي تـراب رجلينـي
أنا كنت أحسبـه أعظـم علاقاتـي ولاظنيـت
بأن أعظم علاقاتـي بخيانـة حـب تنهينـي !!
ويمّي صاحبـي دايـم يذكّرنـي بوهـم حبـــي
وأقول ارتاح ياعمي ترى مالـك شغـل فينـي
خسرت أصحابي من حولي خسرت الكل بأسبابه
ألا حسبـي عليـه الله كثـر ماهـو معنّيـنـــي
أفااااا ياقلبي الطيب…أفـا وشلـون ترضاهـا
وأنا من صدمة ٍ بالحب إلـى صدمـه تودينـي
بدون عناد اسمعني ولا تفتـح لـي الموضـوع
حشا لو تفتحه ثانـي لأشيلـك مـن شرايينـي
خلاص الحين انساهم وأنا ماعـاد فينـي حيـل
لهـم رب ٍ يجازيهـم ولـي رب ٍ يجازيــنـــي
صح لسانك
والله روعه
تقبل مروري
صح لسانك أخوي
أخوي كتبت لك رساله ولا رديت علي أنتظر ردك
هل القصيده لك من تأليفك وألا نا قلها ؟
أذا نا قلها مكانها همس القوافي
وأذا من تأليفك بلغني هنا أورد على رسالتي الله يحييك أنتظر ردك
ويسلمو وننتظر جديدك
خذلني للأسف والله وهدم كـل مابنيناه بلحظـه
وطلع هالحب مايسوى مواطي تـراب رجلينـي
أتصور الشطر الأول يحتاج إعادة نظر … فيما يخص الوزن
خذلني للأسف والله وهدم كـل مابنيناه بلحظـه
وطلع هالحب مايسوى مواطي تـراب رجلينـي
وأيضاً هنا يأتي الشطر الأول مختلف الوزن ….
تقبل نقدي بصدر رحب …. ولك احتراماتي وتقيري …
قصيدة جميلة جداً واستمتعت بالاطلاع عليها …
كلمات في قمة اروعــهـ
انتظر المزيد من البــــــــداعكـ الرائع
لكـ مني كل الشكر وتقدير
تقبل مني اطيب الأمنيات
دمعة نهر
قصيده مميزه وتسلم الانامل اخووي ..