شاب راسي من كثر ماني أبيك—قصيده روعه

——————————————————————————–

شاب راسي من كثر ماني أبيك = لعنبو حيك ما تدري وش أبي

الحقيقة ما أبي غيرك شريك = والحقيقة ذا غرامي ومطلبي

تدري أني عاشق ٍ نظرة عنيك ؟ = تدري أن العين تسبيني سبي

تدري ؟ وساكت تغلا يوم أجيك = خلك قبالي دخليك يالظبي

صوتك الناعم خدودك حاجبيك = رمشك النعسان كلك وش تبي

أتعجب في مبادي خطوتيك = هالمسافة …. تدبي الخطوه دبي

المعاني من دفاها تشتهيك = والقصايد تمتلي في مكتبي

فيه وصفك فيه لجلك في عليك = لبى زينك ياصلآوات النبي

حبني حب المواطن للمليك = حبني ولا ..//.. تضيع بتعبي

مانسيت الكلمة اللي تحتويك = من تجاهلها يمين الله غبي

أيه أحبك تدري أني مشتريك = تدري أنه مرجعك في ملعبي

لا تغلى تدري ما غيرك شريك = لو تطوّ ل أو تروح وتختبي

أنت باقي في عيوني وأفتديك = فدوتك روحي وكل اللي تبي

منقول