مابين [ الرجا ، والياس ، والشوق ] ، ايتلوى بك !

على وجه الدروب يسوق رجله ، والهمـوم ركـاب
يبي سكّة لقاك اللـي توقـف بـه علـى بابـك ..

عن الغيّاب يسأل كل من واجـه مـن الغيّـاب ..!
وما بين الرجاء والياس والشوق ، ايتلـوى بـك ..!

غريب بلا وطن لان القلوب تعيش فينـا اغـراب !
وهو وينه ووينك لعنبـو حيّـك ومـن جابـك ..؟!

وانا صرت الحضور اللي رحل لك خايفٍ مرتـاب
يبيـك ، ولا يبيـك الا تبيـه وتقطـع اسرابـك ..

حلفت ان المدى ماهـو بلاصـادق ، ولا كـذاب ..
اشوفك ، ما وصلتك ! وان وصلتك ؟ دكّت اركابك !

امانه لا تعلقني علـى متـن الامـل / جلبـاب ..!
ابيك تعيش دوري لين تشقى كثـر مـا اشقـا بـك

كتبتك ، ما قريتك وانت تقـرى والصـدور كتـاب
متى اقرى ما كتبته ، لين اقلب فهرس كتابـك ..؟!

وفتحت من الخيال الخصب لـ/ ابواب الخيال ابواب
ورسمتك في عيوني لين شفت الدمع بـ/ اهدابـك !

وسريتك بدر ليل ، وحاجبين ، وسلهمه ، واهـداب
ومن تينك ، لـ/ تفاحـك ، لرمانـك ، لعنابـك ..

وثملت ولاثملت الا على جملـه [ بـدون اعـراب ]
وشعورٍ كثر مـا ينتابنـي مـا اظـن ينتابـك ..!