قلبي وشفّتها >> جديدي

جديد جديد

كالمعتاد

وبدون مقدمات اترككم مع القصيده

———————–

يا وَرَق كل الورود ويا ورود احلى غرام

ويا غرامٍ كنت اعيشه وكنت احسب اني غريمه

يوم كان العام ساعه وساعتك كانت بعام

وصيف قهري لا كواني جيتي انتي مثل غيمه

لين انام اشعر بحضنك واحضنك جوا المنام

ولين اصحى في عيونك اشعر بْهيبه عظيمه

افقدك لامن سرحتي واسرح ان قلتي كلام

وان سألتي ايش قلتي اعطيَ لنفسي قسيمه

واضرب اخدودي واراجع شفتّك وقت السلام

كنت اشوف النور منها وانهزم منها هزيمه

وارجع بْحربي اقاوم والله يا عالم حرام

كيف لمعة من شفاها تكسر النفس الكريمه

كيف يصير ابن الكرام يتوّه بْوصف المرام

ليه ما تخفي شفاها كنت احسبها رحميه

ترحم القلب المعلل ترفق بْحال الصيام

تتركه بالصبح وحده دامه بْليله غنيمه

تعرفه من بيت واحد يوم قال انه حسام

انكسر باخر معارك شفةٍ ظلّت سليمه

وإنأسر قلبه بيَدْها ما قوى حتى القيام

لين شاف القلب منها واكتشف كم مستقيمه

وابتدا يعشق هواها وانمحى كل الخصام

وكل من عارض شفاها صار هو اول خصيمه

صار يكتب في سناها الف بيت وما يلام

صار حبره ما يخلّص في هواها ما يضيمه

يا فديته قلب عاشق شد في حبه حزام

يا فديته قلب بنتٍ حبته حب اليتيمه

دام قلبه في يديها صار هو مسك الختام

جلعه فدوه في شفاها بس تبقى هي سليمه

—————————

وانتظار تعليقاتكم وآراءكم