جهنم كلم

هذي قصه قريتها وحبيت انقلها للعبره والعظه

يقول واحد من الشباب:والله الذي لا إله الا هو

لقد خرجت من الرياض ومافي بالي أسوي طاعه واحده

لله تعالى .المهم يقول:كنا مجموعه شباب خارجين من الرياض

للدمام وحنا بالطريق مرينا على احد اللوحات مكتوب عليها

(الدمام 300 كلم). فقلت لهم وانا مستغرب ياناس انا اشوفها

(جهنم 300 كلم) قالوا بليييز مالنا خلق نضحك.

فقلت لهم :والله العظييم اني اشوفها (جهنم 300كلم)

فتركوني وهم يحسبوني امزح ومشى الوقت وهم يضحكون

وانا أفكر في اللوحه.فقال واحد :يلله هاذي اللوحه باقي لنا

(الدمام200كلم).فقلت لهم:(جهنم 200كلم).

فضحكوا علي وقالوا:صدق انك واحد مجنون ومخرف.

فقلت لهم والله العظيم والله إني أشوفها (جهنم200كلم)

فقالوا :تراك أزعجتنا أسكت احسن.فسكت وانا افكر

فمرينا من لوحه ثانيه فقال واحد منهم:شف شف شف

وش مكتووب و قاموا يضحكون فقلت لهم:(جهنم100كلم)

فقال واحد تراك أذيتنا مزحك ثقيل دم وما يضحك

قلت لهم :نزلوني نزلوني هنا .

قالولي:انت مجنون؟؟

قلتلهم:الحين الان هنا نزلوني أبي أرجع الرياض

والله ما اكمل معكم.

فنزلوني وكملوا طريقهم وأنا رحت للجهه الثانيه

وجيت أأشر لكل سياره عشان توصلني للرياض

وبعد فترره طويله بديت امل وقفتلي وحده من الشاحنات

وركبت معه وشفت السائق يفكر وحزيين في البدايه

ما حبيت أساله بعدين قلت:وش فيك يا اخوي معبس؟؟

فقال لي:مريت قبل شوي وشفت حادث شنييع ماقد شفت أبشع منه

فقلت له هم عائله ولا شباب؟؟

فقال لي شباب وقالي نوع سيارتهم(وكانت نفس موصفات

سياره اصدقائي)

فذهلت ورجعت اسأل :اسألك بالله هي كذا؟؟ فقالي:والله العظيم.

فيقول عرفت انا الله سبحانه قدر لاصدقائي وحمدت الله وشكرته

انه انقذني من بينهم وما ادري هل هم لجهنم وبئس المصير

مثل ما كنت اقرا باللوحات وما اتمنى يكون مصيرهم كذا

لاني والله خرجت من بيتنا ومافي اي نيه اني اسوي عمل لله.

وهو الحين ماشاء الله رجل خير بانت عليه سمات الصلاح وتاب ولله الحمد.

فانا الان اقولكم هل تنتظرون يروح 4 ولا 5من اصدقائكم عشان تتوبون؟؟

وش دراكم ممكن ما تكون انت اللي تتوب لموت اصدقائك ممكن هم

اللي يتوبون بسبب موتك؟؟

اللهم نسألك حسن الخاتمه

اقتباس:

المشاركة الأصلية كتبت بواسطة حمووودي العتيبي وش دراكم ممكن ما تكون انت اللي تتوب لموت اصدقائك ممكن هم اللي يتوبون بسبب موتك؟؟ اللهم نسألك حسن الخاتمه

جزاك الله الف عافيه على هذا النقل

وثبينا واياكم على الدين

اشكرك على هذا النقل المميز

تحياتي لك