تساقط الشعر وعلاجه

تساقط الشعر وعلاجه

خليجية


هنتكلم النهاردة ان شاء الله عن موضوع مهم جدا وبيحصل فيه تلاعب كبير بعقول الناس وهو موضوع تساقط الشعر وعلاجات تساقط الشعر !
كتير بنسمع عن علاجات لتساقط الشعر أياً كان سببه وأعشاب بتسرّع من نمو الشعر وبتحلّ مشكلة التساقط فى أيام وهكذا
وكل الكلام ده مجرد أكاذيب لترويج منتجات معينة .. خلونا نشرح الموضوع بطريقة علمية سليمة :
أولا : لازم نفرّق بين مشكلة تساقط الشعر وبين تساقط الشعر الطبيعي اللى لازم يحصل فى دورة حياة الشعر الطبيعية اللى بتمر بـ 3 مراحل : نمو وتباطؤ النمو ثم التوقف عن النمو والتساقط ليظهر بدلًاً منه شعر جديد والمشكلة الاساسية زي ما بنقول دايما مش فى سقوط الشعر لكن المشكلة فى معدل السقوط يعني المعدل الطبيعي لسقوط الشعر هو 50-100 شعره يوميا فدي حاجه طبيعية جدا ولا داعي للقلق أما إذا زاد عن 100 شعره يوميا يبقى احنا كده بنعانى من مشكلة تساقط الشعر
ثانيا : لو اتأكدنا اننا بنعانى من مشكلة تساقط الشعر لازم نحدد السبب قبل اختيار العلاج زيّها زي أي مشكلة طبية لازم يتم تشخيصها الأول ومفيش حاجه اسمها علاج لكل أنواع التساقط .. متصدقوش الاعلانات الترويجية الغير مستنده على أساس علمى
ثالثا : ايه هى المشاكل اللى بتسبب تساقط الشعر ؟
المشاكل كتير فمثلا أشهر اسباب الـ Telogen Effluvium (اللى بتشكل نسبة كبيرة من تساقط الشعر) هى :
– الانيميا
– نقص الفيتامينات والمعادن (بسبب سوء تغذية أو رجيم خاطئ أو الرضاعة مع عدم التغذية السليمة)
– التوتر والضغط العصبي
– بعد الحوادث والعمليات
– اضطراب الهرمونات الجنسية (بعد الولادة وأحيانا أثناء الولادة أو بسبب مشاكل مرضية مثل تكيسات المبايض وغيرها)
– اضطراب هرمونات الغدة الدرقية
– مرض السكر
– عرض جانبي لأدوية معينة
هناك نوع اخر من تساقط الشعر بسبب العلاجات الكيماوية لأمراض السرطان وهذا النوع من التساقط يسمى Anagen Effluvium وهنا تبدو كل فروة الرأس فارغة من الشعر
وهناك نوع مشهور جدا وهو تساقط الشعر الوراثى FPHL والذى يعالج بمضادات هرمون الذكورة مع مستحضرات موضعية
وهناك أنواع اخرى مثل الثعلبة و هوس شد الشعر وتساقط الشعر بسبب الشد وكل نوع له علاج
رابعا : بعد التعرف على السبب يتم اختيار العلاج اعتمادا على السبب فمثلا مرضى الانيميا لابد ان يعالجو وأيا ما كان علاج التساقط فلن يجدي طالما المشكلة الأساسية مستمرة وكذلك مشكلة تساقط الشعر بسبب الشد علاجها بتجنب شد الشعر والرولر وديل الحصان وغيرها أما نقص الفيتامين يعالج بالمالتي فايتامين ومع ذلك فهو ليس علاج لمشاكل أخرى مثل الاضطرابات الهرمونية وهكذا
خامسا : مع علاج السبب فى التساقط دايما بينصح الأطباء بمستحضرات موضعية تحفز من النمو مثل Minoxidil, Anastim, Neoptide, Ecrinal, Foltene

> العناية بالشَعر

يعطيگك آلعـآفيههٓ لولي . . ط®ظ„ظٹط¬ظٹط©

خليجيةخليجية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top